sakhti-ayyaam dauDe aati hai patthar liye — Khwaja Mohammad Wazir

yaar tanhaa ghar mein hai afsos lekin ham nahin
huur to hai gulshan-e-firdaus mein aadam nahin

phir vahi ham the vahi tum the mohabbat the vahi
sulh kar lete agar aankhein laDaane ke liye

yuun phir rahe hain jaise koi baat hi nahin
aaluda mere khuun se daamaan kiye hue

silsila rakhtaa hai meraa kufr kuchh islaam se
hain kai tasbih ke daane miri zunnaar mein

haath dikhlaa ke ye bolaa vo musalmaan-zaada
ho gayaa dast-e-nigar ab to barahman apnaa

sar miraa kaaT ke pachhtaaiyegaa
kis ki phir jhuTi qasam khaaiyegaa

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

jiine vaalon se kaho koi tamannaa DhunDein
ham to aasuda-e-manzil hain hamaaraa kyaa hai

hamein bhi hoti kisi roz hasrat-e-didaar
jo koh-e-tur pe muusaa gae nahin hote

jab kashti saabit-o-saalim thi saahil ki tamannaa kis ko thi
ab aisi shikasta kashti par saahil ki tamannaa kaun kare

marne ki duaaein kyuun maangun jiine ki tamannaa kaun kare
ye duniyaa ho yaa vo duniyaa ab khvaahish-e-duniyaa kaun kare