mausam-e-yaad yuun ujlat mein na vaare jaaein — Kuldeep Kumar

darakht karte nahin is liye umid-e-vafaa
vo jaante hain parindon ke par nikalte hain

main haar jaataa huun un do udaas aankhon se
mujhe safar kaa iraada badalnaa paDtaa hai

hamin bujhaate hain lau pahle sab charaaghon ki
phir in charaaghon ke hisse kaa jalnaa paDtaa hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

yaksaan kabhi kisi ki na guzri zamaane mein
yaadash-ba-khair baiThe the kal aashiyaane mein

dil hai ki tiri yaad se khaali nahin rahtaa
shaayad hi kabhi main ne tujhe yaad kiyaa ho

us ki raahon mein paDaa main bhi huun kab se lekin
bhuul jaataa huun use yaad dilaane ke liye

bas ik yahi to kharaabi hai us ki fitrat mein
vo mujh ko yaad to kartaa hai par zarurat mein