vatan ko phunk rahe hain bahut se ahl-e-vatan — Mahtab Alam

ye san kar meri nindein uD gai hain
koi meraa bhi sapnaa dekhtaa hai

naaqido tum to mire fan ki parakh rahne do
apne sone ko main pital nahin hone dungaa

zehn aise bhi na ban jaaein nisaabon vaale
guftugu mein bhi huun alfaaz kitaabon vaale

ik safar phir mari taqdir huaa jaataa hai
raasta paanv ki zanjir huaa jaataa hai

aansuon ke jahaan mein rahte hain
ham isi kahkashaan mein rahte hain

bane hain kitne chehre chaand suraj
ghazal ke istiaaraati ufuq par

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

royaa thaa kaun kaun mujhe kuchh khabar nahin
main us ghaDi vatan se kai miil duur thaa

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

firaaq-e-khuld se gandum hai sina-chaak ab tak
ilaahi ho na vatan se koi gharib judaa

uDaati hai vo tegh chaadar lahu ki
shahidon ko khilat ataa ho rahaa hai