buraa maaniye mat mire dekhne se — Mamnoon Nizamuddin

kal vasl mein bhi niind na aai tamaam shab
ek ek baat par thi laDaai tamaam shab

ye na jaanaa the ki us mahfil mein dil rah jaaegaa
ham ye samjhe the chale aaeinge dam bhar dekh kar

khvaab mein bosa liyaa thaa raat ba-lab-e-naazuki
subh dam dekhaa to us ke honTh pe but-khaala thaa

koi hamdard na hamdam na yagaana apnaa
ru-ba-ru kis ke kahein ham ye fasaanaa apnaa

tujhe naqsh-e-hasti miTaayaa to dekhaa
jo parda thaa haail uThaayaa to dekhaa

na ki ghamza ne jallaadi na un aankhon ne saffaaki
jise kahte hain dil apnaa vahi qaatil huaa jaan kaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa