koi hamdard na hamdam na yagaana apnaa — Mamnoon Nizamuddin

kal vasl mein bhi niind na aai tamaam shab
ek ek baat par thi laDaai tamaam shab

ye na jaanaa the ki us mahfil mein dil rah jaaegaa
ham ye samjhe the chale aaeinge dam bhar dekh kar

khvaab mein bosa liyaa thaa raat ba-lab-e-naazuki
subh dam dekhaa to us ke honTh pe but-khaala thaa

buraa maaniye mat mire dekhne se
tumhein haq ne aisaa banaayaa to dekhaa

tujhe naqsh-e-hasti miTaayaa to dekhaa
jo parda thaa haail uThaayaa to dekhaa

na ki ghamza ne jallaadi na un aankhon ne saffaaki
jise kahte hain dil apnaa vahi qaatil huaa jaan kaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

shaam Dhalte hi dil ke aangan se
dard kaa kaarvaan guzartaa hai