dil-o-jaan jo hain ye so apne nahin — Meer Hasan

dosti kis se na thi kis se mujhe pyaar na thaa
jab bure vaqt pe dekhaa to koi yaar na thaa

jo koi aave hai nazdik hi baiThe hai tire
ham kahaan tak tire pahlu se sarakte jaavein

aasaan na samajhiyo tum nakhvat se paak honaa
ik umr kho ke ham ne sikhaa hai khaak honaa

aashnaa bevafaa nahin hotaa
bevafaa aashnaa nahin hotaa

itne aansu to na the dida-e-tar ke aage
ab to paani hi bharaa rahtaa hai ghar ke aage

sadaa aish dauraan dikhaataa nahin
gayaa vaqt phir haath aataa nahin

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ham mein baaqi nahin ab khaalid-e-jaan-baaz kaa rang
dil pe ghaalib hai faqat hafiz-e-shiraaz kaa rang

ashk Dhalte nahin dekhe jaate
dil pighalte nahin dekhe jaate

ik nazar ne kiyaa hai kaam tamaam
aarzu bhi to thi yahi dil ki

puchh kar kaun dil dukhaataa hai
haadse kab bataa ke hote hain