sabz hoti hi nahin ye sarzamin — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dil ki yak qatra khuun nahin hai besh
ek aalam ke sar balaa laayaa

mire saliqe se meri nibhi mohabbat mein
tamaam umr main naakaamiyon se kaam liyaa

chalte ho to chaman ko chaliye kahte hain ki bahaaraan hai
paat hare hain phuul khile hain kam-kam baad-o-baaraan hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab ishq thaa to dil kaa ujaalaa thaa dahr mein
koi charaagh nur-badaamaan nahin hai ab

yuun to milne ko log milte hain
dil magar kam kisi se miltaa hai

dil jalaao yaa diye aankhon ke darvaaze par
vaqt se pahle to aate nahin aane vaale

vaqt ke saath 'sadaa' badle ta'alluq kitne
tab gale milte the ab haath milaayaa na gayaa