thaa sab ko daavaa ishq kaa lekin na Thahraa koi bhi — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dil ki yak qatra khuun nahin hai besh
ek aalam ke sar balaa laayaa

mire saliqe se meri nibhi mohabbat mein
tamaam umr main naakaamiyon se kaam liyaa

chalte ho to chaman ko chaliye kahte hain ki bahaaraan hai
paat hare hain phuul khile hain kam-kam baad-o-baaraan hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ai dil-e-zaar maza dekh liyaa ulfat kaa
ham na kahte the ki is kaam mein zillat hogi

jo kuchh paDti hai sar par sab uThaataa hai mohabbat mein
jahaan dil aa gayaa phir aadmi majbur hotaa hai

apni kahein ki is dil-e-khaana-kharaab ki
tum ko jo ho pasand vahi guftugu karein

ye vaaiz kaisi bahki bahki baatein ham se karte hain
kahin chaDh kar sharaab-e-ishq ke nashshe utarte hain