aage aati thi haal-e-dil pe hansi — Mirza Ghalib

hasti ke mat fareb mein aa jaaiyo 'asad'
aalam tamaam halqa-e-daam-e-khayaal hai

sar paa-e-khum pe chaahiye hangaam-e-be-khudi
ru su-e-qibla vaqt-e-munaajaat chaahiye

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

dam liyaa thaa na qayaamat ne hanuz
phir tiraa vaqt-e-safar yaad aayaa

marte hain aarzu mein marne ki
maut aati hai par nahin aati

puchhte hain vo ki 'ghaalib' kaun hai
koi batlaao ki ham batlaaein kyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

mire rashk-e-be-nihaayat ko na puchh mere dil se
tujhe tujh se bhi chhupaataa agar ikhtiyaar hotaa

kaun dekhe use betaab-e-mohabbat ai dil
tu vo naale hi na kar jin mein asar hotaa hai

sab kuchh luTaa ke raah-e-mohabbat mein ahl-e-dil
khush hain ki jaise daulat-e-kaunain paa gae

'ishq ki choT to lagti hai har ik ke dil par
zarf ke farq se aavaaz badal jaati hai