dair se kaaba gae kaaba se maabadgaah mein — Miskeen Shah

khafaa bhi ho ke jo dekhe to sar nisaar karun
agar na dekhe to phir bhi hai ik salaam se kaam

raah se dair-o-haram ki hai jo ku-e-yaar mein
hai vahi din-daar gar kuffaar aataa hai nazar

baad muddat gardish-e-tasbih se 'miskin' hamein
daana-e-tasbih mein zunnaar aataa hai nazar

chhoD dein dair-o-haram kufr aur islaam ke log
kaaba-e-dil mein jo dekhein mire but-khaana-e-ishq

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ret par ik nishaan hai shaayad
ye hamaaraa makaan hai shaayad