gaah ho jaataa huun main apni anaa kaa qaidi — Mohammad Ahmad

mujh se zid hai to phir us zid ko nibhaane ke liye
main jo mar jaaun to phir aap bhi mar jaaiyegaa

kahin thaa main mujhe honaa kahin thaa
main dariyaa thaa magar sahraa-nashin thaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

ghurur bhi jo karun main to aajizi ho jaae
khudi mein lutf vo aae ki be-khudi ho jaae

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai