sardi mein din sard milaa — Mohammad Alvi

sadiyon se kinaare pe khaDaa suukh rahaa hai
is shahr ko dariyaa mein giraa denaa chaahiye

andheraa hai kaise tiraa khat paDhun
lifaafe mein kuchh raushni bhej de

maanaa ki tu zahin bhi hai khub-ru bhi hai
tujh saa na main huaa to bhalaa kyaa buraa huaa

nazron se naaptaa hai samundar ki vusatein
saahil pe ik shakhs akelaa khaDaa huaa

aag apne hi lagaa sakte hain
ghair to sirf havaa dete hain

aaj phir mujh se kahaa dariyaa ne
kyaa iraada hai bahaa le jaaun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi

tujhe bhi dekh liyaa ham ne o khudaa-e-ajal
ki teraa zor chalaa bhi to ahl-e-gham pe chalaa