hain kushtagaan-e-sadaa aakhiri kinaare par — Moid Rasheedi

itnaa aasaan nahin lafzon ko ghazal kar lenaa
shor ko sher banaane mein jigar lagtaa hai

vo chaahte hain ki har baat maan li jaae
aur ek main huun ki har baat kaaT detaa huun

ab eatibaar nahin meri jaan kisi kaa nahin
charaagh sab ke liye hai dhuaan kisi kaa nahin

havas ki dhuup mein phailaa hai shor-e-khalq-e-khudaa
sunaa kisi ne nahin bastiyon mein girya-e-khaak

bichhaDte vaqt kahnaa thaa bahut kuchh
main kyaa kahtaa judaa hone se pahle

jab bhi aql banaati hai pahlaa misraa
dil ko misra-e-saani honaa paDtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

us se milne kaa bahaana chaahe
dil vahi dard puraanaa chaahe

tarab kaa rang mohabbat ki lau nahin detaa
tarab ke rang mein kuchh dard bhi samo lein aaj

saans letaa huun to rotaa hai koi siine mein
dil dhaDaktaa hai to maatam ki sadaa aati hai