tarab kaa rang mohabbat ki lau nahin detaa — Fareed Javed

hamein bhi apni tabaahi pe ranj hotaa hai
hamaare haal-e-pareshaan pe muskuraao nahin

guftugu kisi se ho teraa dhyaan rahtaa hai
TuuT TuuT jaataa hai silsila takallum kaa

kitni ranginiyon mein teri yaad
kis qadar saadgi se aati hai

baat ko samajh lenaa 'aam baat hai lekin
baat ki nazaakat ko log kam samajhte hain

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main ne apni palkon par gham-kade sajaae hain
aarzu ke maatam mein sogvaar hasti hai

ham haal to kah sakte hain apnaa pa kahein kyaa
jab vo idhar aate hain to tanhaa nahin aate