bas ki hai pesh-e-nazar past-o-buland-e-aalam — Muneer Shikohabadi

khuub taazir-e-gunaah-e-ishq hai
naqd-e-jaan lenaa yahaan jurmaana hai

sunti hai roz naghma-e-zanjir-e-aashiqaan
vo zulf bhi hai silsila-e-ahl-e-chisht mein

jis roz main gintaa huun tire aane ki ghaDiyaan
suraj ko banaa deti hai sone ki ghaDi baat

haath milvaate ho tarsaae gilauri ke liye
kaf-e-afsos na mal jaae kahin paanv mein

jab kabhi maski kaTori kyaa sadaa paidaa hui
karti hai angiyaa ki chiDiyaa chahchahaane ki havas

ho gayaa maamur aalam jab kiyaa darbaar-e-aam
takhliya chaahaa to duniyaa saaf khaali ho gai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

uTho ye manzar-e-shab-taab dekhne ke liye
ki niind shart nahin khvaab dekhne ke liye

bahut hasin thi duniyaa bahut kharaab hai khalq
shikast-e-khvaab se pahle shikast-e-khvaab ke baad

aankhon ko sab ki niind bhi di khvaab bhi diye
ham ko shumaar karti rahi dushmanon mein raat

ham paDh rahe the khvaab ke purzon ko joD ke
aandhi ne ye tilism bhi rakh Daalaa toD ke