mire gunaah ziyaada hain yaa tiri rahmat — Muztar Khairabadi

zulf ko kyuun jakaD ke baandhaa hai
us ne bosa liyaa thaa gaal kaa kyaa

mire dil ne jhaTke uThaae hain kitne ye tum apni zulfon ke baalon se puchho
kaleje ki choTon ko main kyaa bataaun ye chhaati pe lahraane vaalon se puchho

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

un kaa ik patlaa saa khanjar un kaa ik naazuk saa haath
vo to ye kahiye miri gardan khushi mein kaT gai

uThe uTh kar chale chal kar thame tham kar kahaa hogaa
main kyuun jaaun bahut hain un ki haalat dekhne vaale

mohabbat mein kisi ne sar paTakne kaa sabab puchhaa
to kah dungaa ki apni mushkilein aasaan kartaa huun

mere khvaabon ke jharokon ko sajaate rahiye
na sahi vasl magar yaad to aate rahiye

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

koi viraani si viraani hai
dasht ko dekh ke ghar yaad aayaa

yaad aai hai to phir TuuT ke yaad aai hai
koi guzri hui manzil koi bhuli hui dost

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai