allaah re be-khudi ki tire paas baiTh kar — Naresh Kumar Shad

mahfil un ki saaqi un kaa
aankhein apni baaqi un kaa

tufaan-e-gham ki tund havaaon ke baavajud
ik sham-e-aarzu hai jo ab tak bujhi nahin

ye soch kar bhi hans na sake ham shikasta-dil
yaaraan-e-gham-gusaar kaa dil TuuT jaaegaa

tu mire gham mein na hansti hui aankhon ko rulaa
main to mar mar ke bhi ji saktaa huun meraa kyaa hai

tiraa hijr meraa nasib hai tiraa gham hi meri hayaat hai
mujhe teri duuri kaa gham ho kyon tu kahin bhi ho mire paas hai

itnaa bhi naa-umid dil-e-kam-nazar na ho
mumkin nahin ki shaam-e-alam ki sahar na ho

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

hudud-e-vaqt se baahar ajab hisaar mein huun
main ek lamha huun sadiyon ke intizaar mein huun

ik pal kaa qurb ek baras kaa phir intizaar
aai hai january to december chalaa gayaa

kyaa maaal-e-dahr hai meri mohabbat kaa maaal
hain abhi laakhon fasaane muntazir aaghaaz ke