ai dost ham ne tark-e-mohabbat ke baavajud — Nasir Kazmi

aarzu hai ki tu yahaan aae
aur phir umr bhar na jaae kahin

vaqt achchhaa bhi aaegaa 'naasir'
gham na kar zindagi paDi hai abhi

bhari duniyaa mein ji nahin lagtaa
jaane kis chiiz ki kami hai abhi

hamaare ghar ki divaaron pe 'naasir'
udaasi baal khole so rahi hai

judaaiyon ke zakhm dard-e-zindagi ne bhar diye
tujhe bhi niind aa gai mujhe bhi sabr aa gayaa

vo koi dost thaa achchhe dinon kaa
jo pichhli raat se yaad aa rahaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'ishq mein intihaa ki had na hui
'aashiqi teri mustanad na hui

kuchh aur vus'atein darkaar hain mohabbat ko
visaal-o-hijr pe daar-o-madaar mushkil hai

ghussa aataa hai pyaar aataa hai
ghair ke ghar se yaar aataa hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye