yahi daaimi mashghala hai hamaaraa — Navin Joshi

ranj yuun raah-e-masaafat mein mile
kuchh kamaae kuchh viraasat mein mile

rah gae kitne kirdaar bhitar mire
mere bhitar miraa qaafila rah gayaa

is dafa to zindagi jaldi mein thi
kah do agli baar fursat mein mile

nishaan raahi ke raahon pe ho na ho lekin
nishaan raahon ke aksar mileinge raahi pe

mohabbat faqat lafz thaa ek khaali
ye kis ne kahaa thaa maaani milaa do

kuchh vaqt zaraa aur nahar duudh ki legi
farhaad ko tesha nahin manzur huaa hai

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

pyaaso raho na dasht mein baarish ke muntazir
maaro zamin pe paanv ki paani nikal paDe