vo mai-kade mein halaavat hai rind-e-mai-kash ko — Nazeer Akbar Abadi

jise mol lenaa ho le le khushi se
main is vaqt donon jahaan bechtaa huun

ghash khaa ke giraa pahle hi shoale ki jhalak se
muusaa ko bhalaa kahiye to kyaa tuur ki sujhi

mai bhi hai miinaa bhi hai saaghar bhi hai saaqi nahin
dil mein aataa hai lagaa dein aag mai-khaane ko ham

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

mazmun-e-sard-mehri-e-jaanaan raqam karun
gar haath aae kaaghaz-e-kashmir kaa varaq

vo aap se ruThaa nahin manne kaa 'nazir' aah
kyaa dekhe hai chal paanv paD aur us ko manaa laa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

masjid ho madrasa ho ki majlis ki mai-kada
mahfuz shar se kuchh hai to ghar hai chale-chalo

ye alag baat hai saaqi ki mujhe hosh nahin
hosh itnaa hai ki main tujh se faraamosh nahin

hain chaaron taraf kheme khaDe gard-baad ke
kyaa jaaniye junun ne iraada kidhar kiyaa

lagaain taak ke us mast ne jo talvaarein
dahaan-e-zakhm-e-badan se bhi aae bu-e-sharaab