yaqīn chāñd pe sūraj meñ e'tibār bhī rakh — Nida Fazli

baḌe baḌe ġham khaḌe hue the rasta roke rāhoñ meñ
chhoTī chhoTī ḳhushiyoñ se hī ham ne dil ko shaad kiyā

yuuñ to qadam qadam pe hai dīvār sāmne
koī na ho to ḳhud se ulajh jaanā chāhiye

kabhī kisī ko mukammal jahāñ nahīñ miltā
kahīñ zamīn kahīñ āsmāñ nahīñ miltā

dil meñ na ho jur.at to mohabbat nahīñ miltī
ḳhairāt meñ itnī baḌī daulat nahīñ miltī

bahut mushkil hai banjāra-mizājī
salīqa chāhiye āvārgī meñ

ab ḳhushī hai na koī dard rulāne vaalā
ham ne apnā liyā har rang zamāne vaalā

vo na aa.egā hameñ ma.alūm thā is shaam bhī
intizār us kā magar kuchh soch kar karte rahe

maanā ki terī diid ke qābil nahīñ huuñ maiñ
tū merā shauq dekh mirā intizār dekh

bāġh-e-bahisht se mujhe hukm-e-safar diyā thā kyuuñ
kār-e-jahāñ darāz hai ab mirā intizār kar

bārhā terā intizār kiyā
apne ḳhvāboñ meñ ik dulhan kī tarah

jāntā hai ki vo na ā.eñge
phir bhī masrūf-e-intizār hai dil

ai nūr-e-nazar muntazir-e-vasl huuñ aa jā
do paaT palak ke nahīñ darvāza huā mahz