tiri jabin pe jo ik baar jagmagaayaa thaa — Nusrat Zehra

kashtiyaan jal gai hain sab shaayad
ik dhuaan hai kisi ki aahon mein

tu bhi rah rah ke mujh ko yaad kare
meraa bhi dil tiri panaah mein hai

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

ik raat us ke haath pe aansu giraa ke dekh
'mahmud' teraa chaand sitaara-shanaas hai

jal rahe hain chaaron apne apne aatish-daan mein
sardiyon ki shab sitaare khushk indhan aur main