dil bhi ab pahlu-tahi karne lagaa — Pandit Jawahar Nath Saqi

apne junun-kade se nikaltaa hi ab nahin
saaqi jo mai-farosh sar-e-rahguzaar thaa

falak pe chaand sitaare nikalte hain har shab
sitam yahi hai nikaltaa nahin hamaaraa chaand

ham ko bharam ne bahr-e-tavahhum banaa diyaa
dariyaa samajh ke kuud paDe ham saraab mein

vo maah jalva dikhaa kar hamein huaa ru-posh
ye aarzu hai ki nikle kahin dobaaraa chaand

qaalib ko apne chhoD ke maqlub ho gae
kyaa aur koi qalb hai is inqalaab mein

jazba-e-ishq chaahiye suufi
jo hai afsurda ahl-e-haal nahin

mere khvaabon ke jharokon ko sajaate rahiye
na sahi vasl magar yaad to aate rahiye

na yaad ki chubhan koi na koi lau malaal ki
main jaane kitni duur yunhi khud se be-khabar gayaa

tumhaari yaad ki shiddat mein bahne vaalaa ashk
zamin mein bo diyaa jaae to aankh ug aae

ab aap aa gae hain to aataa nahin hai yaad
varna hamein kuchh aap se kahnaa zarur thaa

ashkon mein piro ke us ki yaadein
paani pe kitaab likh rahaa huun

dil ki naazuk ragein TuTti hain
yaad itnaa bhi koi na aae