us ki khvaahish hai ki ab log na roein na hansein — Pirzada Qasim

ik sazaa aur asiron ko sunaa di jaae
yaani ab jurm-e-asiri ki sazaa di jaae

shahr talab kare agar tum se ilaaj-e-tiragi
saahab-e-ikhtiyaar ho aag lagaa diyaa karo

tumhein jafaa se na yuun baaz aanaa chaahiye thaa
abhi kuchh aur miraa dil dukhaanaa chaahiye thaa

gham se bahal rahe hain aap aap bahut ajiib hain
dard mein Dhal rahe hain aap aap bahut ajiib hain

khuun se jab jalaa diyaa ek diyaa bujhaa huaa
phir mujhe de diyaa gayaa ek diyaa bujhaa huaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

khvaahishon ki bijliyon ki jalti bujhti raushni
khinchti hai manzaron mein naqsha-e-aasaab saa

shaam ki chaae un ke saath piyun
dil ki hasrat bahut puraani hai

kis se ab aarzu-e-vasl karein
is kharaabe mein koi mard kahaan

is shahr-e-tamannaa mein kyaa chhaanv mile mujh ko
hai dhuup ke daaman mein taptaa huaa ghar meraa

aayaa hai ik raah-numaa ke istiqbaal ko ik bachcha
peT hai khaali aankh mein hasrat haathon mein gul-dasta hai