ho rahaa hai pas-e-divaar bhi kuchh — Prem Kumar Nazar

aaegi har taraf se havaa dastakein liye
unchaa makaan banaa ke bahut khiDkiyaan na rakh

rakh di hai us ne khol ke khud jism ki kitaab
saada varaq pe le koi manzar utaar de

ji chaahtaa hai haath lagaa kar bhi dekh lein
us kaa badan qabaa hai ki us ki qabaa badan

usi ke zikr se ham shahr mein hue badnaam
vo ek shakhs ki jis se hamaari bol na chaal

lafz chhin jaaein magar tahrir ho raushan jahaan
honT hon khaamosh lekin guftugu baaqi rahe

ek angDaai se saare shahr ko niind aa gai
ye tamaashaa main ne dekhaa baam par hotaa huaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

dil unhein deinge magar ham deinge in sharton ke saath
aazmaa kar jaanch kar sun kar samajh kar dekh kar