shaghl-e-mai fart-e-gham mein kyaa karte — Prem Shankar Goila Farhat

muD ke tufaan ko baarhaa dekhaa
nazd-e-saahil jo mauj le aai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

sau ghamze ke rakhtaa hai nigahbaan pas-o-pesh
aataa hai akelaa par akelaa nahin aataa

kaaba o dair jidhar dekhaa udhar kasrat hai
aah kyaa jaane kidhar gosha-e-tanhaai hai

tamaam umr nae lafz ki talaash rahi
kitaab-e-dard kaa mazmun thaa paaemaal aisaa