meri tanhaai ki pagDanDi par — Pritpal Singh Betab

manzar-e-sarv-o-saman yaad aayaa
phir se gum-gashta vatan yaad aayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ek do roz kaa sadma ho to ro lein 'faakir'
ham ko har roz ke sadmaat ne rone na diyaa

tum bhi aakhir ho mard kyaa jaano
ek aurat kaa dard kyaa jaano

aadmi huun vasf-e-paighambar na maang
mujh se mere dost meraa sar na maang