ahbaab ko de rahaa huun dhokaa — Qateel Shifai

maanaa jivan mein aurat ik baar mohabbat karti hai
lekin mujh ko ye to bataa de kyaa tu aurat zaat nahin

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai

zindagi main bhi chalungaa tire pichhe pichhe
tu mire dost kaa naqsh-e-kaf-e-paa ho jaanaa

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

yaar main itnaa bhukaa huun
dhokaa bhi khaa letaa huun

ek parda saa hai fareb-e-nazar
ye bhi uTThe to dekhnaa kyaa hai

is qadar musalsal thiin shiddatein judaai ki
aaj pahli baar us se main ne bevafaai ki

kuchh to majburiyaan rahi hongi
yuun koi bevafaa nahin hotaa

koi masrufiyat hogi vagarna maslahat hogi
na is paimaan-faraamoshi se us ko bevafaa kahnaa

detaa rahaa fareb-e-musalsal koi magar
imkaan-e-iltifaat se ham khelte rahe