paas-e-ikhlaas sakht hai taklif — Qayem Chaandpuri

mai pi jo chaahe aatish-e-dozakh se tu najaat
jaltaa nahin vo uzv jo tar ho sharaab mein

kahtaa hai aaina ki hai tujh saa hi ek aur
baavar nahin to laa main tire ru-ba-ru karun

gandumi rang jo hai duniyaa mein
meri chhaati pe muung daltaa hai

iraad kar na paDh ke miraa khat ki ye tamaam
be-rabtiyaan hain samra-e-hangaam-e-ishtiyaaq

koi din aage bhi zaahid ajab zamaana thaa
har ik mohalle ki masjid sharaab-khaana thaa

TuuTaa jo kaaba kaun si ye jaa-e-gham hai shaikh
kuchh qasr-e-dil nahin ki banaayaa na jaaegaa

jab ki pahlu se yaar uThtaa hai
dard be-ikhtiyaar uThtaa hai

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

ab un se paai hai taklif to shikaayat kyaa
hamin ne sar pe chaDhaayaa thaa kuchh kaminon ko

ai chaaraagar ye kaisi hain davaaein
miri taklif baDhti jaa rahi hai

main piir ho gayaa huun aur ab tak javaan hai dard
mere murid ho jo tumhein dostaan hai dard

diyaa hai dard to rang-e-qubul de aisaa
jo ashk aankh se Tapke vo daastaan ho jaae