TuuTaa jo kaaba kaun si ye jaa-e-gham hai shaikh — Qayem Chaandpuri

kahtaa hai aaina ki hai tujh saa hi ek aur
baavar nahin to laa main tire ru-ba-ru karun

gandumi rang jo hai duniyaa mein
meri chhaati pe muung daltaa hai

iraad kar na paDh ke miraa khat ki ye tamaam
be-rabtiyaan hain samra-e-hangaam-e-ishtiyaaq

koi din aage bhi zaahid ajab zamaana thaa
har ik mohalle ki masjid sharaab-khaana thaa

har taraf zarf-e-vazu bharte hain zaahid hui subh
saath uTh ham bhi suraahi mein mai-e-naab karein

mai pi jo chaahe aatish-e-dozakh se tu najaat
jaltaa nahin vo uzv jo tar ho sharaab mein

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ye aansu be-sabab jaari nahin hai
mujhe rone ki bimaari nahin hai

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

mausam-e-gul hamein jab yaad aayaa
jitnaa gham bhule the sab yaad aayaa