ThanDi chaae ki pyaali pi ke — Rais Farogh

tez havaa ke saath chalaa hai zard musaafir mausam kaa
os ne daaman thaam liyaa to pal-do-pal ko rukaa bhi hai

mere aangan ki udaasi na gai
roz mehmaan bulaae main ne

meraa bhi ek baap thaa achchhaa saa ek baap
vo jis jagah pahunch ke maraa thaa vahin huun main

ishq vo kaar-e-musalsal hai ki ham apne liye
ek lamha bhi pas-andaaz nahin kar sakte

log naazuk the aur ehsaas ke viraane tak
vo guzarte hue aankhon ki jalan se aae

ham koi achchhe chor nahin par ek dafa to ham ne bhi
saaraa gahna luuT liyaa thaa aadhi raat ke mehmaan kaa

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

ishq ke kuche mein jab jaataa hai dil karne ko sair
vaan nahin maalum hotaa roz hai yaa raat hai

gayaa shabaab par itnaa rahaa taalluq-e-ishq
dil o jigar mein tapak gaah gaah hoti hai

ham kis ko dikhaate shab-e-furqat ki udaasi
sab khvaab mein the raat ko bedaar hamin the