farq koi nahin magar hai bhii! — Rashid Mufti

sina-e-aadmi ki baat hai aur
yuun to chhalni hai sina-e-nai bhi

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

jaam-ba-dast-o-mai-ba-jaam yuun hi guzaar subh-o-shaam
ziist ki talkhiyaan mudaam pi ke pilaa ke bhuul jaa

mai-kasho aage baDho tishna-labo aage baDho
apnaa haq maangaa nahin jaataa hai chhinaa jaae hai

ham na piyeinge bhiik ki saaqi
le ye tiraa paimaana paDaa hai

ham pe guzraa hai vo bhi vaqt 'khumaar'
jab shanaasaa bhi ajnabi se mile