shaagird hain ham 'mir' se ustaad ke 'raasikh' — Rasikh Azimabadi

aane mein sadaa der lagaate hi rahe tum
jaate rahe ham jaan se aate hi rahe tum

jab tujhe khud aap se begaanagi ho jaaegi
aashnaa tab tujh se vo der-aashnaa ho jaaegaa

baazaar jahaan mein koi khvaahaan nahin teraa
le jaaein kahaan ab tujhe ai jins-e-vafaa ham

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

pyaaso raho na dasht mein baarish ke muntazir
maaro zamin pe paanv ki paani nikal paDe

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai