havaa ki zad mein patte ki tarah thaa — Saleem Shahzad

an-kahi kah an-suni baatein sunaa
rah gayaa jo kuchh bhi sochaa soch le

zard patte mein koi nuqta-e-sabz
apne hone kaa pataa kaafi hai

baaton mein hai us ki zahr thoDaa
thoDaa saa mazaa sharaab jaisaa

use pataa hai ki rukti nahin hai chhaanv kabhi
to phir vo abr ko kyuun saaebaan samajhtaa hai

aag bhi barsi darakhton par vahin
kaal basti mein jahaan paani kaa thaa

vahm o khirad ke maare hain shaayad sab log
dekh rahaa huun shishe ke ghar chaaron or

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

abr ki tirgi mein ham ko to
sujhtaa kuchh nahin sivaae sharaab

yaqinan aa gayaa hai mai-kade mein tishna-lab koi
ki piitaa jaa rahaa huun kaifiyat kam hoti jaati hai

vo jo tasbih liye hai us ko
mere aage se uThaa de saaqi

dekhiye kab raah par Thiik se uTThein qadam
raat ki mai kaa khumaar dekhiye kab tak rahe