kaise is baat par yaqin kar luun — Sandeep Koul Nadim

shaayad savaab tum ko bhi mil jaae sab ke saath
sajde mein gir bhi jaao duaa ki kise khabar

mere khvaabon ke jharokon ko sajaate rahiye
na sahi vasl magar yaad to aate rahiye

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

husn aisaa ki zamaane mein nahin jis ki misaal
aur jamaal aisaa ki DhunDaa kare har khvaab-o-khayaal

khvaab bikhreinge to ham ko bhi bikharnaa hogaa
shab ki ik ek aziyyat se guzarnaa hogaa

jaagti aankh se jo khvaab thaa dekhaa 'anvar'
us ki taabir mujhe dil ke jalaane se mili