jaagti aankh se jo khvaab thaa dekhaa 'anvar' — Anwar Sadeed

khaak huun lekin saraapaa nuur hai meraa vajud
is zamin par chaand suraj kaa numaainda huun main

khuli zabaan to zarf un kaa ho gayaa zaahir
hazaar bhed chhupaa rakkhe the khamoshi mein

pankh hilaa kar shaam gai hai is aangan se
ab utregi raat anokhi yaadon vaali

chalaa main jaanib-e-manzil to ye huaa maalum
yaqin gumaan mein gum hai gumaan hai poshida

sail-e-zamaan mein Duub gae mashhur-e-zamaana log
vaqt ke munsif ne kab rakkhaa qaaem un kaa naam

shikva kiyaa zamaane kaa to us ne ye kahaa
jis haal mein ho zinda raho aur khush raho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

main badaltaa huun roz apnaa hadaf
ye miri mustaqil-mizaaji hai

furqat mein kaar-e-vasl liyaa vaah vaah se
har aah-e-dil ke saath ik armaan nikal gayaa

dil to dil afai-e-gesu vo balaa hai kaafir
is kaa kaaTaa koi afi bhi na paani maange

har nafs utni hi lau degaa 'siraaj'
jitni jis dil mein haraarat hogi