muTThiyon mein khaak le kar dost aae vaqt-e-dafn — Saqib Lakhnavi

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

bu-e-gul phulon mein rahti thi magar rah na saki
main to kaanTon mein rahaa aur pareshaan na huaa

ai chaman vaalo chaman mein yuun guzaaraa chaahiye
baaghbaan bhi khush rahe raazi rahe sayyaad bhi

mushkil-e-ishq mein laazim hai tahammul 'saaqib'
baat bigDi hui banti nahin ghabraane se

hijr ki shab naala-e-dil vo sadaa dene lage
sunne vaale raat kaTne ki duaa dene lage

balaa se ho paamaal saaraa zamaana
na aae tumhein paanv rakhnaa sambhal kar

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

sabhi se jab mohabbat chaahte ho
mohabbat kyon nahin karte sabhi se

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

sau fasaad ek ishq mein uTThe
boyaa ik tukhm uge hazaar darakht

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa