lambi hai bahut aaj ki shab jaagne vaalo — Sarfaraz Khalid

kisi ne jaan hi luTaa di vafaaon ki khaatir
tum hi bataao ki qissa ye kis kitaab kaa hai

vo bhi na aayaa umr-e-guzishta ke misl hi
ham bhi khaDe rahe dar-o-divaar ki tarah

tiri duaaein bhi shaamil hain koshishon mein miri
musibaton kaa na Talnaa ajiib lagtaa hai

siyaah raat ke pahlu mein jism ke andar
kisi gunaah ki khvaahish ko paalte rahnaa

milte ho to ab tum bhi bahut rahte ho khaamosh
kyaa tum ko bhi ab meri khabar hone lagi hai

ham kisi aur vaqt ke hain asiir
subh ke shaam ke rahe hi nahin

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

phir gai ik aur hi duniyaa nazar ke saamne
baiThe baiThe kyaa bataaun kyaa mujhe yaad aa gayaa

bhuli nahin ujDe hue gulshan ki bahaarein
haan yaad hain vo din ki hamaaraa bhi khudaa thaa

sukh mein hotaa hai haafiza bekaar
dukh mein allaah yaad aataa hai

dil ki choTon ne kabhi chain se rahne na diyaa
jab chali sard havaa main ne tujhe yaad kiyaa