ham kisi aur vaqt ke hain asiir — Sarfaraz Khalid

lambi hai bahut aaj ki shab jaagne vaalo
aur yaad mujhe koi kahaani bhi nahin hai

vo bhi na aayaa umr-e-guzishta ke misl hi
ham bhi khaDe rahe dar-o-divaar ki tarah

tiri duaaein bhi shaamil hain koshishon mein miri
musibaton kaa na Talnaa ajiib lagtaa hai

siyaah raat ke pahlu mein jism ke andar
kisi gunaah ki khvaahish ko paalte rahnaa

milte ho to ab tum bhi bahut rahte ho khaamosh
kyaa tum ko bhi ab meri khabar hone lagi hai

kisi ne jaan hi luTaa di vafaaon ki khaatir
tum hi bataao ki qissa ye kis kitaab kaa hai

aankhon mein meri subh-e-qayaamat gai jhamak
siine se us pari ke jo parda ulaT gayaa

nazar mein shokh shabihein liye hue hai sahar
abhi na koi idhar se dhuaan dhuaan guzre

main pur-umid rahaa maarka koi bhi rahaa
magar ye raat ki jis ki koi sahar hi nahin

dar-o-divaar pe parchhaaiyaan aati thiin nazar
baat karne ko bhi tarsi huun sahar hone tak

har ek jaantaa hai ki mujh par nazar paDi
kyaa shokhiyaan hain us nigah-e-sehr-kaar mein

ahvaal-e-'mir' kyunkar aakhir ho ek shab mein
ik umr ham ye qissa tum se kahaa kareinge