scent ki kajle ki aur ghaaze ki gul-kaari ke baad — Sarfaraz Shahid

mahsus huaa sun ke taqaarir-e-mughallaz
ab ahl-e-siyaasat mein bhi chirkin bahut hain

bajaT ki kai sakhtiyaan aur bhi hain
''abhi ishq ke imtihaan aur bhi hain''

avaamunnaas ko aise dabochaa hai giraani ne
ki jaise cat ke panje mein koi rat hotaa hai

surur-e-jaan-fazaa deti hai aaghosh-e-vatan sab ko
ki jaise bhi hon bachche maan ko pyaare ek jaise hain

aqd-e-saani kaa mazaa puchaa to bole shaikh-ji
aise lagtaa hai chikan chakkhaa hai tarkaari ke baad

kuchh mah-jabin libaas ke fashion ki dauD mein
paabandi-e-libaas se aage nikal gae

jab ki pahlu se yaar uThtaa hai
dard be-ikhtiyaar uThtaa hai

dayaar-e-nur mein tira-shabon kaa saathi ho
koi to ho jo miri vahshaton kaa saathi ho

tum aadatan kahoge use yaar maazarat
lekin ye e'tiraaf ke zumre mein aaegaa

fi-zamaana ye muravvat bhi bahut hai 'mazhar'
un ko jaanaa thaa magar dost bahaane se gae

maan ban chuki huun main bhi magar us se kyaa kahun
jo apni maan ke pyaar se aage na jaa sakaa

mujh se nafrat hai agar us ko to izhaar kare
kab main kahtaa huun mujhe pyaar hi kartaa jaae