aankh ki ye ek hasrat thi ki bas puuri hui — Shahryar

pal bhar mein kaise log badal jaate hain yahaan
dekho ki ye mufid hai binaai ke liye

vaqt ko kyuun bhalaa buraa kahiye
tujh ko honaa hi thaa judaa ham se

dil pareshaan ho magar aankh mein hairaani na ho
khvaab dekho ki haqiqat se pashimaani na ho

khajil charaaghon se ahl-e-vafaa ko honaa hai
ki sarfaraaz yahaan phir havaa ko honaa hai

yaa main sochun kuchh bhi na us ke baare mein
yaa aisaa ho duniyaa aur badal jaae

ye kyaa hai mohabbat mein to aisaa nahin hotaa
main tujh se judaa ho ke bhi tanhaa nahin hotaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi

hamaare she'r naghme aur sajde
adaa jo ho na paae kyaa hue vo

khuub gahri jo lagi choT to ham ne jaanaa
vaqt lagtaa hai kisi dard ko jaate jaate