siyaah raat nahin leti naam Dhalne kaa — Shahryar

pal bhar mein kaise log badal jaate hain yahaan
dekho ki ye mufid hai binaai ke liye

vaqt ko kyuun bhalaa buraa kahiye
tujh ko honaa hi thaa judaa ham se

dil pareshaan ho magar aankh mein hairaani na ho
khvaab dekho ki haqiqat se pashimaani na ho

khajil charaaghon se ahl-e-vafaa ko honaa hai
ki sarfaraaz yahaan phir havaa ko honaa hai

yaa main sochun kuchh bhi na us ke baare mein
yaa aisaa ho duniyaa aur badal jaae

ye kyaa hai mohabbat mein to aisaa nahin hotaa
main tujh se judaa ho ke bhi tanhaa nahin hotaa

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

vo apne husn ki khairaat dene vaale hain
tamaam jism ko kaasa banaa ke chalnaa hai

kuchh tu hi bataa aakhir kyun-kar tire bandon par
har shab hai nai aafat har roz musibat hai

us se hi to chalte hain kaarobaar gulshan ke
vo hi raat-raani hai vo hi gul-hazaara hai