zaraa saa gham huaa aur ro diye ham — Shahzad Ahmad

ab to insaan ki azmat bhi koi chiiz nahin
log patthar ko khudaa maan liyaa karte the

zabaanein thak chukin patthar hue kaan
kahaani an-kahi thi an-kahi hai

ek se manzar dekh dekh kar aankhein dukhne lagti hain
is raste par peD bahut hain aur haraa koi bhi nahin

khule asraar us par jism ke aahista aahista
bahut din mein use baatein na karne kaa hunar aayaa

bharpur nahin hain kisi chehre ke khad-o-khaal
dekhaa nahin vo chaand jo puuraa nazar aae

khuli fazaa mein agar laDkhaDaa ke chal na sakein
to zahr piinaa hai behtar sharaab piine se

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

tasadduq hone vaale pis na jaaein
uThaae haath se daaman ko chaliye

sar se dayaar-e-gham ke sanichar utaar de
mangal hai jis mein jaa ke vo jangal uThaa to laa

rakhtaa hai talkh-kaam gham-e-lazzat-e-jahaan
kyaa kijiye ki lutf nahin kuchh gunaah kaa