kis se tum ham-kanaar the saahib — Shaikh Ghulam Ali Rasikh

duur main us ki mast aankhon ke
mohtasib bhi sharaab-khvaar huaa

shaikh is but-shikani par na ho itnaa maghrur
tu ne toDaa nahin apnaa but-e-pindaar hanuz

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

niind kyuun TuuT gai aakhir-e-shab
kaun mere liye taDpaa hogaa

rang hi se fareb khaate rahein
khushbuein aazmaanaa bhuul gae