vahi kaarvaan vahi raaste vahi zindagi vahi marhale — Shakeel Badayuni

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

kaafi hai mire dil ki tasalli ko yahi baat
aap aa na sake aap kaa paighaam to aayaa

kal raat zindagi se mulaaqaat ho gai
lab thartharaa rahe the magar baat ho gai

lamhe udaas udaas fazaaein ghuTi ghuTi
duniyaa agar yahi hai to duniyaa se bach ke chal

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

huron pe hai nigaah go marqad mein paanv hain
vaaiz akhir-e-umr mein kyaa teraa Dhang hai

miri zindagi bhi 'ajib hai ise kyaa kahun ise kyaa kahun
koi duur hai na qarib hai ise kyaa kahun ise kyaa kahun

shukr kiije ki maut hai varna
zindagi se hamein bachaataa kaun