rishton ki daldal se kaise nikleinge — Shakeel Jamali

zindagi aise bhi haalaat banaa deti hai
log saanson kaa kafan oDh ke mar jaate hain

sab se pahle dil ke khaali-pan ko bharnaa
paisa saari umr kamaayaa jaa saktaa hai

apne khuun se itni to ummidein hain
apne bachche bhiiD se aage nikleinge

har kone se teri khushbu aaegi
har sanduq mein tere kapDe nikleinge

umr kaa ek aur saal gayaa
vaqt phir ham pe khaak Daal gayaa

abhi raushan huaa jaataa hai rasta
vo dekho ek aurat aa rahi hai

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

main badalte hue haalaat mein Dhal jaataa huun
dekhne vaale adaakaar samajhte hain mujhe

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh