shadid garmi mein kaise nikle vo phul-chehra — Shakeel Jamali

abhi raushan huaa jaataa hai rasta
vo dekho ek aurat aa rahi hai

jhuuT mein shak ki kam gunjaaish ho sakti hai
sach ko jab chaaho jhuThlaayaa jaa saktaa hai

main ne haathon se bujhaai hai dahakti hui aag
apne bachche ke khilaune ko bachaane ke liye

tumhaare baa'd baDaa farq aa gayaa ham mein
tumhaare baa'd kisi pe khafaa nahin hue ham

agar hamaare hi dil mein Thikaanaa chaahiye thaa
to phir tujhe zaraa pahle bataanaa chaahiye thaa

umr kaa ek aur saal gayaa
vaqt phir ham pe khaak Daal gayaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

mohabbat phuul banne par lagi thi
palaT kar phir kali kar li hai main ne

sote mein vo jo mujh se ham-aaghosh ho gae
jitne gile the khvaab-e-faraamosh ho gae

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa