us kaa honaa bhi bhari bazm mein hai vajh-e-sukun — Shaz Tamkanat

koi to aa ke rulaa de ki hans rahaa huun main
bahut dinon se khushi ko taras rahaa huun main

miraa zamir bahut hai mujhe sazaa ke liye
tu dost hai to nasihat na kar khudaa ke liye

un se milte the to sab kahte the kyuun milte ho
ab yahi log na milne kaa sabab puchhte hain

kabhi ziyaada kabhi kam rahaa hai aankhon mein
lahu kaa silsila paiham rahaa hai aankhon mein

kitaab-e-husn hai tu mil khuli kitaab ki tarah
yahi kitaab to mar mar ke main ne azbar ki

aage aage koi mishal si liye chaltaa thaa
haae kyaa naam thaa us shakhs kaa puchhaa bhi nahin

chaand hai teraa ham-safar koi nahin hai raahbar
aage qadam baDhaa ke rakh duur ki raushni na dekh

teraa chehra kitnaa suhaanaa lagtaa hai
tere aage chaand puraanaa lagtaa hai

ek ujDaa huaa diyaa huun main
aage aaya hai sab kiyaa meraa

ruk gayaa aa ke jahaan qaafila-e-rang-o-nashaat
kuchh qadam aage zaraa baDh ke makaan hai meraa

itnaa sach bol ki honTon kaa tabassum na bujhe
raushni khatm na kar aage andheraa hogaa

taraqqi khuub ki ham ne magar ye bhi haqiqat hai
hamaaraa daaera ghar-baar se aage nahin baDhtaa