mujh ko to khair khaana-badoshi hi raas thi — Sidra Sahar Imran

chaae ke talkh ghunT se uThtaa huaa ghubaar
vo intizaar-e-shaam vo manzar kahaan gayaa

is nae saal ke svaagat ke liye pahle se
ham ne poshaak udaasi ki silaa ke rakh li

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

zindagi sundar ghazal hai dosto
zindagi ko gungunaanaa chaahiye

koi puraanaa khat kuchh bhuli-bisri yaad
zakhmon par vo lamhe marham hote hain

yuun to qadam qadam pe hai divaar saamne
koi na ho to khud se ulajh jaanaa chaahiye