tamiz-e-khvaab-o-haqiqat hai shart-e-bedaari — Sikandar Ali Wajd

der se aa rahi hai yaad tiri
kyaa tujhe yaad aa rahaa huun main

ahl-e-himmat ko balaaon pe hansi aati hai
nang-e-hasti hai musibat mein pareshaan honaa

dil ki basti ajiib basti hai
ye ujaDne ke baa'd basti hai

bahaar aae to khud hi laala o nargis bataa deinge
khizaan ke daur mein dilkash gulistaanon pe kyaa guzri

khudaa shaahid hai mere bhulne vaale ba-juz tere
mujhe takhliq-e-aalam raaegaan maalum hoti hai

jaane vaale kabhi nahin aate
jaane vaalon ki yaad aati hai

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

maarka garm to ho lene do khun-rezi kaa
pahle shamshir ke niche hamin jaa baiTheinge